Ички ишлар вазирлиги Йўл ҳаракати хавфсизлиги Бош бошқармасининг маълум қилишича, "Қамчиқ" довонидан ўтган автомобиль йўлининг 236-240 километрлари оралиғида (икки туннел оралиғи) вақти-вақти билан майдалаб қор ёғмоқда.
"Йўллар очиқ, музламалар мавжуд эмас. Лекин асфальт нам бўлганлиги боис сирпанчиқлик мавжуд", дея хабар бермоқда ЙҲХБ.
Барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланишлари сўралмоқда.
