ДАИШ(Ислом давлати) террорчилик гуруҳи жангарилари Мосул шаҳрида жинсий қулликка рози бўлмаган 250 нафар аёлни қатл этди. Бу ҳақда “Lenta.ru” хабар бермоқда.
Маълумотларга кўра, террорчилар аёллар ва қизларни жангарилар билан вақтинча никоҳдан ўтиб, бирга яшашга мажбурлаган. Жинсий қулликка рози бўлмаган аёллар ва қизлар эса бошқа оила аъзолари билан биргаликда қатл этилган. Шунингдек, мосуллик аёлларга уйларидан ёлғиз чиқиш, жамоат жойларида юзи ва сочи очиқ ҳолда кўриниш ва мустақил равишда турмушга чиқиш тақиқланган.
