Грециянинг Идомен шаҳрида жойлашган қочоқлар лагерида суриялик ёшлар илк никоҳ тўйини ўтказишди, деб хабар қилди “Gazeta.ru” нашри. Тўй палаткалардан бирида бўлиб ўтди, уни ташкил қилишда лагерь ходимлари жонбозлик кўрсатишди, келин-куёвларга совға сифатида торт ҳадя этишди.
Куёвнинг айтишича, севгилиси билан тўйни Германияда ўтказишни режалаштиришган, аммо улар Грециядаги қочоқлар лагерида 6 ҳафтадан бери ушланиб қолганликлари туфайли бу ишни кейинга қолдиришни исташмаган. Бу билан улар муҳаббат жой, чегара, маскан танламаслигини, уларнинг севгиси ҳаттоки терророристик гуруҳлар устидан ҳам ғалаба қозониши мумкинлигини исботлашган.
