ТОП 5: Ўзбекистондаги энг қиммат бошловчилар

Дилноза Кубаева, Дилдора Рустамова ва Райҳон Уласенова тўйга қанчага чиқади?

Ўзбек халқи азалдан орзу-ҳавасли халқ ҳисобланади. Ҳар бир ота-она фарзандининг бахт тўйини мукаммал даражада ташкиллаштиришга, уни бекам-у кўст ўтказишга ҳаракат қилади. Ҳар ким ўз имконияти даражасидан келиб чиқиб, тўйига таниқли хонандалар ва машҳур бошловчиларни таклиф этади.  

“Бекажон” газетаси тўй ва турли тадбирларни ташкил этиш билан шуғулланувчи ташкилотлар билан боғланиб, ҳозирги кунда энг талабгир бошловчилар тўйга қанча билан чиқишини аниқлади ва уларнинг хизмат ҳақи қимматлиги нуқтаи назаридан рейтинг тузди. 

5-ўрин
Нилуфар Сотиболдиева
“МY5” телеканали бошловчиси Нилуфар Сотиболдиева яхши кунларингизда энг камида 400$ доллар эвазига хизмат кўрсатади. 

4-ўрин
Райҳон Уласенова
“Ўзбекистон” телеканалининг “Ойдин ҳаёт” кўрсатуви бошловчиси ва маҳоратли актриса Райҳон Уласеновани тўй ва бошқа тадбирларда ҳам тез-тез учратамиз. Унинг хизмат ҳақи эса 300-400$.

3-ўрин
Нигора Каримбоева 
Асосан, “Сардор” телесериали орқали киноихлосмандларга яхши таниш бўлган серқирра ижодкор Нигора Каримбоева ҳам ўзининг яхши бошловчи эканлигини “Ўзбекистон” телеканалидаги “Ўзингни англа” ток-шоуси орқали намойиш этмоқда. Тўйларда ҳам рус, ҳам ўзбек тилларида бирдек бошловчилик қиладиган актрисанинг хизмат ҳақи эса 200-500$ни ташкил этади. 

2-ўрин
Дилдора Рустамова
Ўзбекистон Миллий Телерадиокомпаниясининг маҳоратли сухандони Дилдора Рустамова дубляжда ҳам самарали ижод қилаётган мутахасислардан бири. Сухандон тўй тантаналарини 200-700$ эвазига олиб боради.

1-ўрин
Дилноза Кубаева
Маҳоратли актриса Дилноза Кубаева “энг қиммат” бошловчилар рейтингида биринчи ўринни забт этди. Нашрнинг ёзишича, актриса болалигидан бошловчиликка қизиққан. Бироқ унинг соғлиғи кўтармаса ёки таклифлар узоқ вилоятлардан бўлса, актрисани жуда катта миқдордаги пул эвазига ҳам бошловчиликка кўндириб бўлмайди. Дилноза Кубаева тўйларда 500-1000$ эвазига бошловчилик қилади.