Тошкентдаги Driver’s Village автосалонида 27 май, жума куни янги Chevrolet Nexia автомобилининг тақдимоти бўлиб ўтди.
“Дарё” нашри тақдимот маросимидан фоторепортаж тайёрлади.
Тақдимот маросимида янги Chevrolet Nexia нафақат Ўзбекистон ва МДҲ мамлакатларида, балки Яқин Шарқ ва Африка автобозорларида ҳам сотилиши маълум қилинди. GM Uzbekistan Operations вакилининг таъкидлашича, «янги Nexia харидорлар ишончини тўла оқлай олади».
Эски N150 моделидан фарқли равишда, янги Nexia’да ABS ва ҳайдовчи хавфсизлик ёстиғи бор. Машина, шунингдек, иммобилайзер, кундузги олд чироқлар (DRL) ҳамда Isofix болалар ўриндиқлари учун мустаҳкамлагичлар билан таъминланган.
Модель GM Powertrain-Uzbekistan томонидан ишлаб чиқарилган сиғими 1,5 литрга тенг, 16 клапанли 109 от кучига эга бензинли S-TEC III двигатели ва беш босқичли механик ёки олти босқичли автомат тезлик узатмалар қутиси ёрдамида ҳаракатга келади.
Учинчи LTZ позицияда автомат (типтроник функцияли) тезлик узатмалар қутиси мавжуд бўлиб, мазкур позицияда механик тезлик узатмалар қутили машиналар ҳам тақдим этилади.
Машина 11 рангда тақдим этилади (шулардан 4 таси — янги ранглар). Тўрт кегайли рул чамбараги Lacetti’ники билан бир хил. Учинчи позицияда рул чамбарагида аудиотизимни бошқариш модули мавжуд.
Аудиотизимда Bluetooth, AUX, handsfree бор. USB порти тўхташ тормоз дастаси ёнида қулай қилиб жойлаштирилган. Ҳажми 400 литр бўлган юкхона калит ва ҳайдовчи эшигидаги тугма орқали очилади.
12.05.2020, 20:18
Бугун 12-май кунининг икки ярмида Пойтахтимиз бўйлаб кучли шамол ва ёғингарчилик бўлиши маълум қилинган. Фавқулодда вазиятлар вазирлиги шу муносабати билан Тошкент шаҳри аҳолисини огоҳ бўлишга...
18.10.2017, 12:10
Куни кеча соат чамаси 22:00 ларда Ўзбекистон ҳудудига кириб келган антициклон орқасидан шиддатли шамол, ёмғир ва сезиларли совуқ ҳарорат олиб кирди. Кучли шамол пойтахтлик автомобилчиларга...
30.09.2017, 09:32
GM Uzbekistan автомобиллар савдоси тизимини такомиллаштириш устида ишлашда давом этади ва ўз мижозларига, компания билан алоқада бўлишнинг янада қулай ва максимал даражада шаффоф бўлган хизмат...
28.08.2017, 11:35
Тошкентнинг Мирзо Улуғбек туманида оқибати ўлим билан якунланган ЙТҲ содир бўлди. Facebook`нинг "Водители ташкента" гуруҳида маълум қилинишича, "Боткино" яқинидаги йўлда КамАз юк машинаси ва мотоцикл...
