Кеча, соат 18:34 да А-373-халқаро автомобил йўлининг “Қамчиқ” довонидан ўтган 238-километрида “Водий-Тошкент” йўналишида ҳаракатланиб кетаётган “Лаcетти” русумли автомобил ҳайдовчиси бошқарувни йўқотиб, йўл четидаги ҳандаққа тушиб кетган. Бу ҳақда ФВВ Матбуот хизмати хабар берди.
Зудлик билан воқеа жойига “Қамчиқ” Махсус қидирув, ёнғин-қутқарув бошқармаси ходимлари ҳамда тегишли хизматлар етиб бориб, махсус техника ва асбоб-анжомлар ёрдамида автомобилни ҳандақдан чиқариб олишган.
Ҳодиса оқибатида тан жароҳати олган ва ҳалок бўлганлар йўқ.
