Ижтимоий тармоқ фойдаланувчилари Оҳангарон ва Ангренда содир бўлган ғайритабиий ҳодиса ҳақида видео хабарлар жойлаштиришмоқда.
Изоҳларда таъкидланишича Тошкент вилояти, Оҳангарон тумани кундуз куни қоронғулик гирдобида қолган.
Бунга ўта тўйинган булутлар сабаб экани айтилмоқда. Ушбу ҳудудларда ҳамма ер ўз-ўзидан қоронғулашиб кетган.
Автомобиллар тунги чироқларини ёқиб ҳаракатланишган.
Айни пайтда кучли дўл бошланган ва ерлар қордек оппоқ тусга кирган.
Таъкидланишича, Бўка ва Гулистон шаҳрида ҳам қор ва дўл ёғмоқда.
Гидрометеорология бўйича эксперт Эркин Абдулаҳатовнинг айтишича, нам ҳаво массаларининг вертикал кесимдаги баландлиги шу қадар юқорики, ҳаттоки, қуёш ёруғлигини кучли тўсиб қолиш хусусиятига эга.
