Шу пайтгача Меҳнат вазирлигини бошқариб келган Элизабет Борн Франциянинг янги бош вазири бўлди. Бу ҳақда "Замон" нашри ёзмоқда.
Маълум қилинишича, республика президенти Эммануэл Макрон Элизабет Борнни бош вазир этиб тайинлади ва унга янги ҳукуматни шакллантиришни топширди.
Борн 2020 йил июлидан бери Вазирлар Маҳкамасини бошқарган ва Франция президенти Эммануэл Макрон билан учрашув чоғида истеъфога чиққан Жан Кастекснинг ўрнини эгаллади. Борн Франция тарихида бош вазир этиб тайинланган иккинчи аёл бўлди.
Унинг муҳим вазифаси икки босқичда – 12 ва 19 июнь кунлари бўлиб ўтадиган парламент сайловларига тайёргарлик кўришдан иборат бўлади.
Француз сиёсатшуносларининг таъкидлашича, Борн энг тажрибали вазирлардан бири.
