Бугун ҳаво ҳарорати +32 даражагача кўтарилади — "Ўзгидромет"

"Ўзгидромет" тақдим этган маълумотларга кўра, республиканинг тоғ ва айрим тоғ олди ҳудудларида бугун куннинг иккинчи ярмида ёғингарчилик кутилади. Бошқа ҳудудларда ёғингарчилик кутилмайди.

Бухоро ва Қашқадарё вилояти чегарадош ҳудудларида шимоли-шарқий йўналишда кучли шамоллар эсиши мумкин. Шамол тезлиги кучайганда 15-20 м/с га кучайиб, чанг тўзон ҳодисаси келтириб чиқариши кутилмоқда.