Тошкентнинг Зангиота туманида валюта айирбошлаш фаолияти билан шуғулланиб келган фуқаро қўлга олинди. У бу вақт давомида 50 миллион сўмни долларга алмашаётган бўлган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Маълумот берилишича, Департамент ҳамда ИИБнинг Зангиота тумани бўлимлари томонидан тезкор тадбир ўтказилган. Унда Чилонзор тумани “Бектўпи” бозор ҳудудида мунтазам валюта айирбошлаш фаолияти билан шуғулланиб келган А. Т. фуқаро У. га 4300 АҚШ долларини 47,4 млн сўмга сотган вақтида далиллар билан ушланган.
"Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда",-дея маълум қилинади Департамент хабарида.
