Uzbekistan Airways Express Тошкентдан Красноярскка парвозларни йўлга қўймоқда. Бу ҳақда авиакомпания ахборот хизмати хабар қилмоқда.
Қайд этилишича, 25 июндан Тошкент—Красноярск—Тошкент халқаро йўналиши бўйича илк қатнов амалга оширилади. Мунтазам парвозлар ҳафтада бир марта — шанба кунлари бўлиб ўтади.
- Тошкентдан учиш: 17:30 (Тошкент вақти билан)
- Красноярскка етиб бориш: 23:00 (Красноярск вақти билан)
- Красноярскдан учиш: якшанба куни 00:30 (Красноярск вақти билан)
- Тошкентга етиб бориш: якшанба куни 02:15 (Тошкент вақти билан)
Тошкент—Красноярск йўналиши бўйича авиачипта нархи 1 996 039 сўмдан (багажсиз) ва 2 232 382 сўмдан (багаж билан), Тошкент—Красноярск—Тошкент йўналиши бўйича эса 3 695 230 сўмдан (багажсиз) ва 4 144 282 сўмдан (багаж билан) бошланади.
