Бу ҳақда ИИВ Ахборот хизмати маълум қилди.
Қайд этилишича, жорий йилнинг 7 июнь куни Юқоричирчиқ тумани ҳудудида хизмат олиб бораётган ЙПХ инспектори С.Абдумаликов йўлни белгиланмаган қисмидан кесиб ўтаётган пиёдани тўхтатади. Ҳамда унга чора кўриш мақсадида планшетга қоидабузар пиёда тўғрисида маълумотларни киргизади.
Маълумотлар электрон базага киритилганда ушбу фуқаро 1975 йилда туғилган Хоразм вилояти Янгиариқ туманида яшаган Ж.Р. эканлиги ва Ўзбекистон Республикаси Жиноят кодексининг 122-моддаси (Моддий ёрдамга муҳтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаш жинояти содир этилиши) билан айбланиб, Хоразм вилояти ИИБ томонидан қидирув эълон қилинганлиги аниқланади.
Ҳозирда ушбу қидирувдаги шахс Юқоричирчиқ тумани ИИБга топширилган.
