Сал аввал ошкент вилояти Бўстонлиқ тумани Амирсой оромгоҳи йўлида "Captiva" ёниб кетгани ҳақида хабар берган эдик.
Бугун, 12 июнь куни соат 09:56да Фарғона вилоятининг Ёзёвон тумани ҳам автомашина ёниб кетди.
Ҳолат юзасидан вилоят ФВБ маълумот берди.
Қайд этилишича, машина туманнинг “Янгибўстон” МФЙ худудида харакатланиб кетаётган бўлган. 2014-йилда ишлаб чиқарилган кул ранг “ОRLANDO”да техник носозлик натижасида ёнғин келиб чиққан.
"Ёнғиннинг таҳминий сабаби электр симларини қисқа туташуви натижасида содир бўлган. Ёнғин натижасида фуқароларнинг тан жарохати ва жабирланиш холатлари йўқ",-дейилади хабарда.
Шу ўринда юқоридаги кўнгилсиз холатлар содир бўлмаслиги учун хайдовчилардан белгиланган тезликдан ортиқ харакатланмасдан, шахсий автомобилларини ўз вақтида техник кўрикдан ўтказиш сўралмоқда.
