Бугун ҳам Ўзбекистонда 45 даража иссиқ сақланиб туради

ЖАМИЯТ 30.06.2022, 08:56
Бугун ҳам Ўзбекистонда 45 даража иссиқ сақланиб туради

Ўзбекистон Гидрометеорология хизмати хабарига кўра, бугун 30 июнда республика бўйича ҳарорат фони 37-42° атрофида, жанубда ва чўл ҳудудларда 43-45° гача бўлган қуруқ, иссиқ об-ҳаво сақланиб туради. Баъзи жойларда шамол 15-20 м/с гача кучайиши, айрим жойларда чанг-тўзонлари кузатилиши мумкин.  

Пойтахтимизда ёғингарчилик кутилмайди. Шамол 12-15 м/с гача кучайиши мумкин. Ҳаво 39-41° гача исийди.

Тоғли ҳудудларда ҳаво бироз булутли бўлади, баъзи жойларда ўзгариб туради, айрим жойларда қисқа муддатли ёмғир ёғиши, момақалдироқ бўлиши мумкин. Шамол шарқдан 7-12 м/с тезликда эсади, баъзи жойларда 15-20 м/с гача кучайиши мумкин. Ҳарорат 30-35о бўлади.

Тоғларда кутилаётган юқори ҳарорат фони ҳисобига Қирғизистон ҳудудидан Фарғона вилоятининг тоғ олди ва тоғли ҳудудлари бўйича гляциал (муз) сел-сув тошқин ҳодисалари юзага келиши мумкин.  

Тоғ олди ва тоғли ҳудудларда яшовчи фуқаролар, дам олувчилар ва тоғли ҳудудларга борадиган ҳайдовчилардан эҳтиёт чораларини кўришларини илтимос қиламиз.

Шарҳлар

Об-ҳаво: Тошкент
Валюта курси
1