Бош прокуратура ҳузуридаги Департаментнинг Самарқанд туман бўлими томонидан тезкор тадбир ўтказилди.
Унда, Самарқанд шаҳридаги “Сиёб” деҳқон бозори атрофида валюта қимматликлари савдоси билан шуғулланиб келган К.Д. фуқаролар Э. ва Ў.га жами 3 000 АҚШ долларини 33 млн сўмга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.