Bosh prokuratura huzuridagi Departamentning Samarqand tuman bo`limi tomonidan tezkor tadbir o`tkazildi.
Unda, Samarqand shahridagi “Siyob” dehqon bozori atrofida valyuta qimmatliklari savdosi bilan shug`ullanib kelgan K.D. fuqarolar E. va O`.ga jami 3 000 AQSh dollarini 33 mln so`mga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o`tkazish) bilan jinoyat ishi qo`zg`atilib, tergov harakatlari o`tkazilmoqda.
