Давлат статистика қўмитаси Қозоғистондан Ўзбекистонга импорт қилинган айрим турдаги озиқ-овқат маҳсулотларига оид маълумотлар билан бўлишди.
Қайд этилишича, 2022 йилнинг январь-июль ойларида Қозоғистондан 1,5 миллион тонна буғдой, 218,3 минг тонна буғдой уни ва 47,3 минг тонна арпа олиб келинган. Шунингдек, қуйидаги озиқ-овқат маҳсулотлари ҳам Ўзбекистонга келтирилган:
- ўсимлик ёғи – 45,9 минг тонна;
- маккажўхори – 33,6 минг тонна;
- маргарин маҳсулотлари – 25,8 минг тонна;
- картошка – 23,5 минг тонна;
- қорамол гўшти – 9,1 минг тонна;
- сут маҳсулотлари – 3 минг тонна;
- қандолат маҳсулотлари – 1,6 минг тонна.
