Ижтимоий тармоқларда “Ямал” авиакомпаниясининг Москва-Наманган-Москва йўналиши бўйича ЛЛМ9205/9206 авиақатнови бекор қилингани ҳақида маълумотлар тарқалди.
Шу муносабат билан "Uzbekistan airports" хабарга расмий изоҳ берди.
Маълум қилинишича, жорий йилнинг 13 октябрь куни Россиянинг Ямал авиакомпаниясининг бортида 220 йўловчи бўлган ҳаво кемаси Москва вақти билан соат 15:40 да Домодедово аэропортидан Наманганга учиши режалаштирилган эди. Авиакомпания ушбу авиақатновни амалга ошириш учун назорат қилувчи орган – “Ўзавиация” агентлиги томонидан тегишли рухсатни олмаганлиги боис, ушбу чартер авиақатнови амалга оширилмаган.
Хабарда Наманган халқаро аэропорти ушбу авиақатновни бекор қилинишига хеч қандай алоқаси йўқлиги ва аэропорт ходимлари Тошкент вақти билан соат 23:00 да Намангандан Москвага қайтиш керак бўлган авиақатноқ йўловчиларга вазият бўйича атрофлича маълумот тақдим этганлиги айтиб ўтилган.
