Тошкентда "Matiz" бутунлай ёниб кетди

Бугун, 30 октябрь куни соат 15:27 да Тошкент шаҳар Шайхонтоҳур тумани "Лайлатуғон" кўчасида "МАTIZ" русумли автомобиль ёнаётганлиги тўғрисида шаҳар ФВБга хабар келиб тушган.

Шунга кўра,  2 та  ёнғин-қутқарув экипажи воқеа жойига соат 15:32 да етиб борган ва ёнғин соат 15:38 да ўчирилган.

Ёнғин оқибатида автомобиль тўлиқ ёниб зарарлангани айтилади.

Ҳозирда ёнғиннинг келиб чиқиш сабаби ва моддий зарар миқдори аниқланмоқда.

"Ёнғин натижасида фуқароларни тан жароҳати олиш ва халок бўлиш холатлари қайд этилмади",-дейилади хабарда.