Бугун ижтимоий тармоқларда Тошкент метросида ўриндиқлардан электр учқуни чиқаётгани айтилган видео тарқалди.
Видео давомида метро ҳаракатланаётган вақт ўриндиқлардан учқунга ўхшаш ёруғлик чиқаётгани акс этади.
"Тошкент метрополитени" ДУК ҳолат бўйича муносабат билдирди.
Маълум бўлишича, бу ҳодиса юзасидан ўрганиш ўтказилдди. Бу асосида "Чилонзор" йўналиши Сергели йўлида кечки вақтда содир бўлгани ҳамда бу вақтда метро йўлидаги ёритиш қурилмаларининг вагон вентиляция йўли орқали тушган ёруғлигидир яъни ҳеч қандай электр токи учқуни эмаслиги аниқланган.
"Шу ўринда йўловчилар томонидан ўринсиз видеоларни тарқатмасликни сўраб қоламиз", — дейилади хабарда.
