Ижтимоий тармоқларда Қашқадарё вилоятининг Яккабоғ туманидан ўтувчи темирйўлда ЙТҲ содир бўлгани акс этган видеолар тарқалди.
Ҳолат юзасидан вилоят ИИБ маълумот беришича, ҳодиса 5 ноябрь куни соат 21:55 ларда 4Р-84 Чироқчи–Яккабоғ–Шурбозар автомобил йўлининг 18-килметрида юз берган. Ҳайдовчи Р.Ғ. ВАЗ–2101 русумли автотранспорт воситаси билан ҳаракатланиб келаётиб бошқарувни йўқотган ва темир тўсиққа урилиб ағдарилиб кетган.
Автоҳалокат оқибатида ҳеч ким тан жароҳати олмаган. Мазкур ҳолат юзасидан суриштирув ҳаракатлари олиб борилмоқда.
