Ижтимоий тармоқларда Тошкент шаҳри Яккасарой тумани Армуғон маҳалласи раиси экани айтилган кишининг ногирон фуқарога нисбатан камситувчи ҳаракатлари акс этган видео тарқалди.
Яккасарой туман ҳокимлиги Матбуот хизмати шуни маълум қилишича, бугун “Армуғон” маҳалла гузарида ҳолат бўйича Яккасарой туман ҳокимлиги Ташкилий-кадрлар гуруҳи раҳбари, туман Маҳалла ва нуронийларни қўллаб-қуватлаш бўлими бошлиғи ҳамда унинг маслаҳатчиси ишитрокида йиғилиш ўтказилган.
Маҳалла раиси Аъзам Қодиров ўзининг бажараётган вазифасига номуносиб хатти-ҳаракатларни амалга оширгани учун 2022 йил 28 ноябрдан лавозимидан озод қилинган.
