Бугун, 28 ноябрь куни соат 13:42 да Тошкент шаҳар Бектемир тумани Сомон бозор кўчасида жойлашган қоғоз қутилар сақлаш омборхонасида ёнғин содир бўлди. Бу ҳақда ФВВ хабар берди.
Шунга кўра 4 та ёнғин-қутқарув экипажи соат 13:53 да воқеа жойига етиб бориб, ёнғин соат 14:07 да қуршаб олинган ва соат 14:46 да бартараф этилган.
Ёнғин натижасида омборхонанинг тахминан 150 кв.м. майдонда ички қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
