Куни кеча Цзилинь университетининг бир гуруҳ палеоантропологлари Ўзбекистондаги Тешиктош палеолит даври ғорида топилган бош суяги асосида 3D рақамли реставрация технологияси ёрдамида тикланган неандертал боланинг ташқи қиёфасини намойиш этди.
Бу биринчи бор 3D-реставрация ёрдамида тошга айланган одам бош суягини компьютерда тикланишидир. Шунингдек, бу палеоархеологик экспозиция соҳасидаги муҳим ютуқ бўлиб, бунга Евросиёда атроф-муҳит ўзгариши ва инсон мослашувини ўрганиш бўйича халқаро қўшма биоархеологик лаборатория - Хитой ва Россия томонидан ташкил этилган археология соҳасидаги биринчи қўшма лаборатория томонидан эришилган.
Тахминан 300 минг - 40 минг йиллар оралиғида яшаган 8-9 ёшли неандерталга тегишли бўлган тошга айланган бош суяги 1938 йилда топилган. Москва давлат университети илмий-тадқиқот институти ва Антропология музейи директори, Россия Фанлар академияси академиги Александра Петровна Бужилованинг сўзларига кўра, бу қолдиқ Осиёда топилган биринчи неандертал қолдиқдир. Бу бош суяги, шунингдек, осиёлик неандертал деб аталадиган ягона бош суяги ҳам сақланиб қолган. Унинг кашфиёти неандерталларнинг шарққа кўчишини исботлади.
Мутахассисларнинг фикрича, янги реконструкция нафақат Евроосиё минтақасидаги тарихдан олдинги одамларнинг ташқи қиёфасини аниқ кўрсатибгина қолмай, балки Марказий Осиёдаги неандерталларнинг морфологик хусусиятларини ҳамда уларнинг атроф-муҳитга мослашувини янада ўрганиш ва намойиш қилиш учун янги ғояларни ҳам беради.
