Энди ишсиз аҳоли ва «Камбағал оилалар реестри»га киритилган оилалардаги ишсизларнинг касб-ҳунар ва хорижий тилларга ўқитиш харажатларини қоплаб бериш бўйича va тизими жорий этилади. Ваучерлар талабгорларга экстерриториал тамойили асосида, фақат бир марта тақдим этилади.
21 августда «2025 йилда аҳоли бандлигини таъминлаш ва камбағалликни қисқартириш чора-тадбирлари тўғрисида»ги президент қарори ижросини таъминлашга қаратилган «Давлат ва нодавлат таълим ташкилотлари иштирокида касб-ҳунар ва чет тилларини ўқитишнинг ваучер тизимини жорий этиш тўғрисида»ги Вазирлар Маҳкамаси қарори қабул қилинди.
Қарор билан расмий даромадга эга бўлмаган иш излаётган шахслар ҳамда «Камбағал оилалар реестри»га киритилган оилаларнинг ишсиз аъзоларини Бандликка кўмаклашиш жамғармаси маблағлари ҳисобидан манзилли ўқитиш тизимини жорий этиш тартиби белгиланган. Бунда ишсизлар касб-ҳунар марказларида иш берувчиларнинг буюртмалари асосида меҳнат бозорида талаб юқори бўлган касбларга ўқитилади.
Касб-ҳунарга ўқитиш мақсадида ажратиладиган стипендиялар давомийлиги уч ойдан ортиқ бўлган ўқув курсларига қабул қилинган ногиронлиги бўлган шахсларга, шунингдек, «Камбағал оилалар реестри»га киритилган ишсиз оила аъзоларига тўланади. Стипендияларни тўлаш туман ёки шаҳар камбағалликни қисқартириш ва бандликка кўмаклашиш бўлимлари орқали амалга оширилади.
Таълим вазирлиги ecosys.mehnat.uz тизимида ишсизларга va тизими асосида таълим берувчи таълим ташкилотларининг электрон реестрини юритади. Ушбу тизимда мазкур таълим ташкилотларига қўйиладиган талаблар ҳам эълон қилинади. Таълим ташкилотлари ваучер тизимидан фойдаланиш учун электрон реестрда рўйхатдан ўтишлари шарт.
Ҳужжатда тасдиқланган Касб-ҳунар ва хорижий тилларни ўқитиш учун ваучерлар бериш тартиби тўғрисидаги низом билан:
Ишсизларга, шу жумладан, «Камбағал оилалар реестри»га киритилган оилаларнинг ишсиз аъзоларига ёки расмий даромадга эга бўлмаган ишсизларга ваучер тизими асосида ўқитиш харажатларини қоплаш тартиби;
Ваучер тизими асосида бундай хизматларни кўрсатувчи таълим ташкилотлари реестрини шакллантириш;
Ваучерларни бериш ва улардан фойдаланиш, шунингдек, ваучер тизими асосида давлат ва нодавлат таълим ташкилотларини молиялаштириш тартиби белгиланган.
Низомга мувофиқ талабгорлар va олиш учун тўғридан-тўғри ёки эcосйс.меҳнат.уз тизимида онлайн тартибда ариза билан мурожаат қилишлари мумкин. Ваучерлар талабгорнинг доимий яшаш жойидан қатъий назар экстерриториал тамойили асосида, фақат бир марта тақдим этилади. Ваучер олинган санадан бошлаб уч ой мобайнида амал қилади.
