Қозоғистоннинг собиқ бош вазири ва Миллий хавфсизлик қўмитасининг собиқ раҳбари Карим Масимов ҳокимиятни куч билан эгаллаб олишга уринишда айбланиб, 18 йилга озодликдан маҳрум этилди.
Унинг ўринбосарлари - Садиқулов, Ергожин ва Осипов мос равишда 16, 15 ва 3 йилга озодликдан маҳрум этилди, уларнинг барчаси генерал унвонлари ва давлат мукофотларидан маҳрум этилди.
Масимов 2022 йил январида Қозоғистоннинг кўплаб вилоятларини қамраб олган тартибсизликлардан сўнг дарҳол ҳибсга олинган эди. Ҳибсга олинган пайтда у мамлакатнинг асосий разведка агентлигини бошқарган. Дастлаб у давлатга хиёнатда айбланган.
У Қозоғистоннинг собиқ президенти Нурсултон Назарбоевнинг яқин сафдоши саналади - унинг даврида у икки марта, 2007-2012 ва 2014-2016 йилларда ҳукуматни бошқарган ва орада президент маъмуриятини бошқарган.
Қозоғистондаги тартибсизликлар бостирилгандан сўнг ОАВ Назарбоевнинг атрофидагилар янги президент Қосим-Жомарт Токаев позициясига путур етказиш мақсадида вазиятни беқарорлаштиришдан манфаатдор бўлиши мумкинлиги ҳақидаги версияларни фаол муҳокама қилди.
Қозоғистондаги январь воқеалари сиёсий ва бизнес элитасини тозалашга олиб келди. Собиқ президентнинг кўплаб қариндошлари ва яқинлари давлат лавозимлари ва корхоналаридан айрилди, баъзилари ҳибсга олинди. Улар орасида Масимов ҳам бор эди.
Назарбоевнинг ўзи умрбод "элбаси" – “миллат етакчиси” унвонидан ва Қозоғистон Хавфсизлик кенгаши раҳбари лавозимидан айрилган, бироқ унга нисбатан қатағон бўлмаган.
