Фойдали
Керак: 500 гр. қуруқ мевалар (ўрик туршаги, олма ва олхўри қоқиси), 1 стакан ёнғоқ, 1 ҳовуч бодом, 1-2 ош қошиқ асал.
Тайёрланиши: ўрик туршаги ва олхўри қоқини қайноқ сувга солиб, 5-10 дақиқа ивитиб қўйинг. Ёнғоқ ва қуритилган меваларни гўштқиймалагичдан ўтказиб, асал солинг. Майдаланган бодом қўшинг-да, «шар»чалар ясанг.
Мазали
Керак: 75 гр. шоколад, 5 донадан данаксиз ўрик туршаги ва ёнғоқ, 1 ош қошиқ сут, ярим чой қошиқ асал, какао, кунжут.
Тайёрланиши: шоколадни майдалаб тўғраб, сут солинг-да, сув буғида эритинг. Туршак ва ёнғоқни майдаланг. Эритилган шоколадга қўшиб, асал солинг. Аралашмадан «шар»чалар ясаб, какаога белаб олинг-да, кунжут сепинг.
«Рафаэлло»
Керак: 250 мл. қуйилтирилган сут, 50 граммдан кокос қириндиси ва фундук ёнғоғи, 25 гр. сариёғ.
Тайёрланиши: юмшатилган сариёққа қуйилтирилган сут ва кокос қириндиси қўшиб, яхшилаб аралаштиринг. Аралашмани 30 дақиқага музлаткичга қўйинг. Ўртасига 1 донадан фундук ёнғоғи солиб, кремдан «шар»чалар ясанг. Конфетларни 15 дақиқага музлаткичга қўйинг.
Бетакрор таъм
Керак: 500 гр. творог, 100 граммдан ўрик туршаги ва шоколад, 75 гр. ёнғоқ.
Тайёрланиши: ўрик туршаги ва ёнғоқни эзинг. Творогни ҳам санчқи ёрдамида эзиб, ёнғоқ ва ўрик туршаги солинг. «Шар»чалар ясаб, музлаткичга қўйинг. Шоколадни сув буғида эритиб, «шар»чаларни белаб олинг-да, яна бироз муддат музлаткичда қолдиринг.
11.11.2020, 21:22
"Аҳолининг соғлом овқатланишини таъминлаш бўйича қўшимча чора-тадбирлар тўғрисида" ги Президент қарорида қайд этилишича, озиқ-овқат маҳсулотларининг таркибида туз, қанд ва ёғ миқдори инсон соғлиғи учун хавфсиз...19.06.2017, 10:46
Ҳозир шундай замонки, катта-кичик ёрлиқлар, реклама роликлари бизни бетиним ҳарид қилишга рағбатлантиради. Газета, журнал, телевидение, радио ва ҳар қадамда учрайдиган баннерлардаги кўтаринки кайфият бағишловчи гаплар,...12.01.2017, 15:07
Танангиз мадорсизланаётганини сезаяпсизми, давосини узоқдан ахтарманг-да, уйдаги бор маҳсулотларга диққат қаратинг. Мисол учун, кузда пишадиган қарсилдоқ турпга. У шамоллашда асқотишини ҳаммамиз биламиз, аммо хотирани чархлаши,...22.12.2016, 15:01
Янги йил арафасида барчага севимли мева – мандаринлар дастурхонимиздан жой олади. Хитойда ушбу цитрус мевани тортиқ қилиш урфга кирган бўлиб, айтишларича бундай совға бахт ва...