1. Ҳеч қачон болангизга бақирманг ва уни урманг. Биринчидан, бунда пайдо бўладиган қўрқув, кўплаб руҳшуносларнинг фикрича, болани ўраб турган дунёга нисбатан шафқатсиз муносабат шаклланишига, ҳамма нарсага куч билан эришиш мумкинлиги ҳақида тасаввур пайдо бўлишига олиб келади. Шунингдек, боланинг кўз ўнгида ота-онанинг обрўси ҳам буткул тушиб кетади. Аммо боланинг инжиқликларига эрк бериш ҳам керак эмас, чунки бу унинг ўзи истаган нарсага ҳар доим, айнан шу усул билан эришишга ўрганиб қолишига омил бўлади.
2. Ҳамма оналар ўз болаларининг бахтиёр бўлишларини истаб, уларни эркалашади. Аммо ота-оналарнинг бу муомаласи болакайга яхши таъсир этиши даргумон. Чунки болакайни гўдаклигидан ўйинчоқлар ва ширинликлар билан кўмиб ташлаш, келгусида худбинлик ва кибрга мойиллик уйғотиши мумкин, доимий назорат эса уни мустақил ҳаракат ва ўзига ишончдан маҳрум қилади.
3. Болага ишонинг! Болага ишонишингизни у билсин ва ҳис қилсин. Масалан, агар фарзандингиз уришқоқ бўлаётганини сезсангиз ва кўчага чиқишидан олдин унга ҳар сафар «Бугун ҳам муштлашиб кўр-чи!», «Бугун ҳам устингдан шикоят қилиб келишса борми!», деб такрорлайверсангиз, бу унда хатти-ҳаракат стереотипини шакллантиради. Сиз уни, гўёки шу жанжалларга ўзингиз билмаган ҳолда ундаган бўласиз. Бундай вазиятларда яхшиси «Ўзингни тинчроқ ва вазминроқ тутгин», деган маъқул. Муҳими бола ҳам сизга ишонсин: берган сўзингизнинг устидан чиқинг. Бироқ агар ваъдани бажаришнинг уддасидан чиқолмасангиз, унда бунинг сабабини тушунтириб, фарзандингиздан кечирим сўранг. Бу ҳаракатингиз билан боладаги тўғрисўзлик ва масъулиятни тарбиялаган бўласиз! Алдоқчи одамлар ишончни йўқотишларини, уларни ҳеч ким ҳурмат қилмаслигини тушунтиринг.
4. Ота-оналар учун оғир бўлмаган, бироқ боланинг ҳаётини кутилмаган қувончга тўлдирувчи рағбатлар ўйлаб топиш мумкин. Вакт ўтиши билан бола ота-онасининг ишидан илҳомланади ва оилангизда бошқаларга табассум хамда яхши кайфият улашадиган яна бир кичик сеҳргар пайдо бўлади.
5. Шуни ёддан чиқармангки, бола ҳар доим ота-онасининг хатти-ҳаракатларидан нусха олади. Шундай қилингки, ундаги ушбу ҳаракат яратувчанликка олиб келсин. Ўз қалб қасрини бунёд этишга, ўзининг гўзал вужудини тиклашга замин яратсин! Ва, биз айнан шу билан дунёни, бутун борлиқни гўзаллаштирамиз!
26.09.2021, 17:45
Ўзбекистоннинг қайси ҳудудида оилалар сони кўп? Давлат статистика қўмитаси маълумот берди. Унга кўра, 2021 йилнинг 1 январь ҳолатига Ўзбекистон Республикасида жами 8 871 412 та оила...
27.05.2021, 16:56
АОКАда “Маҳалла ва оила” илмий-тадқиқот институти раҳбарлари иштирокида матбуот анжумани бўлиб ўтди.Анжуманда “Ўзбекистон Республикасида оила институтини 2030 йилгача янада мустаҳкамлаш концепцияси” мазмун-моҳияти ва аҳамияти ҳақида...
13.12.2019, 19:35
Мажбурий ижро бюроси органларида давлат ижрочилари турли хил қизиқ воқеаларга ҳам гувоҳ бўлиб қолишади. Хусусан, фуқаролик ишлари бўйича Фарғона туманлараро судининг 2019 йил 17 сентябрдаги ижро...
12.12.2019, 16:14
Аксарият ҳолларда фарзандлар таъминоти учун оталардан алимент ундирилади. Шундан фарқли ўлароқ бу ижро ишида алимент онадан ундирилди.Ф.Я. Бухоро шаҳрида туғилган И.Ж. билан турмуш қуриб, 3...
