Қашқадарёда икки кишининг ўлимига сабаб бўлган ЙТҲ содир бўлди. Бу ҳақда "darakchi.uz" манбаси хабар қилмоқда.
Маълум бўлишича, 2023 йил 2 ноябрь куни соат 10:00ларда Чироқчи туманида “HOVO” русумли юк автомобили ҳайдовчиси бошқарувни йўқотиб қарама-қарши йўналишга чиқиб кетиб, “Labo” русумли автомобиль билан тўқнашиб, ён томонга ағдарилиб кетган. Шундан сўнг, юк машина қарама-қарши томондан ҳаракатланиб келаётган “Nexia-1” русумли автомобилни босиб қолган.
ЙТҲ оқибатида 2 нафар фуқаро воқеа жойида вафот этган, 4 нафар фуқаро турли даражада тан-жароҳати олиб туман тиббиёт бирлашмасига ётқизилган. Айи пайтда ЙТҲ юзасидан дастлабки терговолди суриштирув ишлари олиб борилмоқда.
