Швеция, Ирландия, Буюк Британия ва Франциядан кейин Испания ҳам Фаластин давлатини тан олиш ташаббуси билан чиқди.
Испания парламенти 18 ноябрь куни Фаластин давлатини тан олиш ҳақидаги резолюция бўйича рамзий овоз беришни режалаштирмоқда.
Резолюция матни Фаластин давлатини ҳукумат томонидан тан олинишини талаб қилувчи мухолифатдаги Испания Социалистик Ишчи партияси томонидан ишлаб чиқилган.
Партия аъзоларининг фикрича, Яқин Шарқда барқарорликни таъминлаш, фуқаролар ҳуқуқларини ҳурмат қилиш, томонларнинг улар учун хавфсизлик ва тинчликни кафолатлайдиган келишувларга эришиш учун музокаралар бошлаши фақат Исроилнинг қарори билан амалга оширилиши мумкин.
"Икки халқ учун икки давлат" тамойилига асосланган Фаластин можароси, шунинг учун халқаро ҳуқуқларга эга бўлган Фаластин давлатини тан олиш зарур.
Мухолифат партияси Испания парламентига тақдим этадиган ҳужжат матнида 2011 йилда Фаластин ЮНЕСКО сафига қабул қилингани, бир йилдан сўнг эса БМТда кузатувчи давлат мақомини олгани эслатилади.
Испания ташқи ишлар вазири Хосе Мануэль Гарсия-Маргальо сиёсий партиялар аъзолари билан учрашувда бундай имкониятни фақат “рамзий” қадам сифатида қабул қилмаслик, аксинча, можарога узоқ муддатли ечимга ҳисса қўшиш кераклигини таъкидлади.
Фаластин мустақиллигини тан олишдан асосий мақсад Яқин Шарқдаги вазиятни тинч йўл билан ҳал қилиш бўлиши керак, дейди вазир.
"Агар биз Фаластиннинг иқтисодий ўсишини истасак, икки давлат ўртасида эркин савдо ҳудудини яратиш керак", - дея қўшимча қилди Испания ташқи ишлар вазири.
