Агентлик директори Акмал Бурхонов 2023 йилда коррупцияга оид жиноятлар учун жиноий жавобгарликка тортилган шахслар сони 879 нафарга ёки 2022 йилга нисбатан 12 фоизга камайганини, жиноятлар сони эса 11 фоизга пастлаганини, "Коррупция ҳаракатлари оқибатида етказилган зарар миқдори ҳам 29 фоизга камайган"ини таъкидлаб ўтди.
"117 та вазирлик ва идораларда йўлга қўйилган ички назорат тузилмалари фаолияти натижасида 4 минг 349 та назорат тадбирларида 342,6 млрд. сўм маблағларнинг талон-торож қилиниши аниқланиб, тўпланган маълумотлар ҳуқуқни муҳофаза қилувчи органларга юборилган. 953,4 млрд. сўмлик маблағларнинг ноқонуний сарф этилишининг олди олинган" — дейди у.
Шунингдек, коррупция сабаб судланган 566 нафар амалдор қайта ишга олинган ва яна коррупцияга қўл урганини таъкидлайди агентлик раҳбари.
Куни кеча пойтахтда халқаро медиа форум бўлиб ўтди. Унда халқаро эскпертлар, мутахассислар ва медиа вакиллари иштирок этиб коррупсияга қарши курашишда жамоатчилик вакиллари ҳамда журналистларнинг фаоллиги ҳақида ҳам тўхталиб ўтилди.
“Журналистлар журналистик суриштирувлар ўтказишига касбий кўникмалари етарлими? Давлат идоралари билан ҳамкорликни амалга оширишда ҳамда уларга боғлиқ маълумотларни таҳлил қилишда билим ва малакалари етарлими? Уларга давлат органлари томонидан маълумотлар ўз вақтида тақдим этадими? Журналистлар нафақат давлат органлари балки ўз таҳририяти ҳамда ОАВ раҳбарияти томонидан контентга бўлган таъсирдан эркинми?” - деган саволлар билан спикерларга мурожаат қилди Давлат органлари фаолияти очиқлиги ва шаффофлигини таъминлашда оммавий ахборот воситаларининг роли номли 1-сессияси модератори элчи Антти Карттунен.
Бу саволлар нафақат бизнинг балки бутун дунёда демократик жамият қураётган давлатларида долзарб савол ва ўрни келса ечимини кутаётган муаммо ҳамдир.
“Давлат органларининг очиқ маълумотлари бугунги кунда ривожланган аммо уларни қулайлаштирилган дея олмаймиз. Уларнинг кўпчилиги ПДФ форматдан фойдаланади. Бу формат билан қайта ишлай олмаймиз,” – дейди "Транспаренcй Интернатионал ЛАТВИА” ижрочи директори Инесе Таурина. - Айнан мана шу муаммо бизнинг давлат ташкилотларининг очиқ манбалари билан ҳам муболағасиз боғлиқ.
Юқорида келтирилган статистика бир йил давомида агентлик томонидан қилинган ишларни кўрсатса, ушбу медиа форумдан сўнг вазирлик ва идоралар, маҳаллий ҳокимият ахборот хизматлари ходимлари ундан ташқари журналистлар ҳам олган тажрибаларини ҳаётга қўллай олса, маърузалар давомида ўз камчиликларини кўриб, улар устида ишлай бошласа давлат маблағларини талон-тарож қилишлар ва бюджетдан бўлган ноқонуний сарф ҳаражатлар янада камайган бўларди. Балки форум иштирокчилари ўртасида ахборот ва тажриба алмашиш учун доимий платформа яратилиши ислоҳотларнинг янада жадаллашишига ёрдам берар.
