Ўзбекистонда туризм соҳасини ривожлантиришга қаратилган навбатдаги енгилликлар тасдиқланди.
2026 йил 1 февралдан бошлаб, мамлакатимизга келган хорижий фуқаролар Ўзбекистондан чиқиб кетар экан, ўзлари харид қилган товарлар учун тўланган қўшимча қиймат солиғини истакка кўра нақд пул кўринишида қайтариб олиш имкониятига эга бўлади.
Маълум қилинишича, бу тизим туризм соҳасидаги рақобатбардошликни ошириш, сайёҳлар учун қулай шарт-шароит яратиш ва мамлакат иқтисодиётига қўшимча импульс беришни мақсад қилади.
Президент томонидан туризмни қўллаб-қувватлашга қаратилган бу каби ташаббуслар Ўзбекистоннинг халқаро майдондаги нуфузини ошириш ва соҳани стратегик тармоқ сифатида янада кучайтиришга хизмат қилади.
