Техник стажёрлик дастури асосида фуқаролар Японияга қурилиш ишларига ишга таклиф этилади. Бу ҳақида Ташқи меҳнат миграцияси агентлиги матбуот котиби хабар бермоқда.
Номзодлар учун талаблар:
- япон тилини N5-N4 даражада билиш;
- 18 ёшдан 35 ёшгача;
- мактаб, лицей ёки касб-ҳунар коллежини тамомлаган;
- 3 йилдан 8 йилгача ишлашга тайёр.
Ойлик маош: 180 600 иена - 1200$ (брутто).
Иш вақти: ҳафтасига 40 соат (қўшимча иш соати учун алоҳида тўланади).
Иш берувчи ҳисобидан:
- ҳужжатларни расмийлаштириш;
- Тошкентдан Токиогача авиачипта;
- аэропортдан кутиб олиш ва иш жойигача трансфер.
Номзодлар оғзаки суҳбат асосида танлаб олинади.
