Мадриднинг "Реал" клуби ҳужумчиси Бензема Чемпионлар лигаси гуруҳ босқичида Дортмунднинг "Боруссия" клубига қарши кечган учрашувда иккита гол уришга муваффақ бўлди. Бу ҳақда “Sports.ru” хабар бермоқда.
Шу тариқа франциялик ҳужумчининг Чемпионлар лигасидаги голлари сони 50 тага етди. Бензема 88 учрашувда майдонга тушиб, шунча гол уришнинг уддасидан чиққан.
Шу тариқа Бензема Чемпионлар лигаси тўпурарлари рўйхатида Андрей Шевченко (48 та гол), Златан Ибраҳимович (48 та гол) ва Алфредо Ди Стефанодан (49 та гол) ўзиб кетди ва Тьерри Анрига етиб олди.
Бу борада етакчилик "Реал"нинг яна бир ҳужумчиси Криштиану Роналдуга тегишли - 95 та гол. Иккинчи ўриндаги Лионел Мессида 93 та гол бор. Раул ЕЧЛда 71 та гол урган бўлса, Руд ван Нистелрой ҳисобида 56 та гол мавжуд.
