Бугун Мухолифат назоратидаги Миллий ассамблея президент Юн Сук Йол ҳарбий ҳолат эълон қилгани учун унга қарши иккинчи импичмент таклифи бўйича овоз берди. Бу ҳақда Жанубий Кореянинг Yonhap ахборот агентлиги маълум қилган.
Овоз бериш натижасига кўра, Корея Миллий ассамблеяси президент Юнга импичмент эълон қилди. Регламентга кўра, 200 овоз керак бўлгани ҳолда 204 нафар депутат импичментни ёқлаб овоз берган.
Ўтган шанба куни президентга импичмент эълон қилиш бўйича биринчи таклиф кворум йўқлиги сабабли бекор қилинган эди. Юн аъзоси бўлган, ҳукмрон Халқ кучи партиясининг (ХКП) деярли барча депутатлари овоз беришни бойкот қилди.
Aсосий мухолифатдаги Демократик партия (ДП) ва яна бешта кичик мухолифат партиялари пайшанба куни шу таклифни тақдим этган. Юннинг ҳарбий ҳолат эълон қилиниши Конституция ва мамлакатнинг бошқа қонунларини бузгани бунга сабаб қилиб кўрсатилган.
Овоз бериш ўтказиш сўралган аризага ҳарбий ҳолат даврида армия ва полиция президент бошчилигида айрим қонунчиларни ҳибсга олишга урингани ҳақидаги даъволар ҳам қўшимча қилинган.
Энди 180 кун ичида парламент қарори Конституцион суд томонидан кўриб чиқилиб тасдиқланиши лозим. Шу муддат ичида президентнинг лавозим ваколатлари тўхтатиб турилади.
Aгар Конституциявий суд Юнни лавозимига тиклаш ёки лавозимидан четлаштириш ҳақида қарор қабул қилади.
Aгар суд президентни қўлласа, Юн 2017 йилда собиқ президент Пак Кин Хе-дан кейин импичмент эълон қилинган иккинчи президент сифатида тарихда қолади.
