Америка Қўшма Штатлари президенти Дональд Трамп, федерал ҳукумат органларида қонунларнинг бажарилишини назорат қилувчи 12 та мустақил генерал инспекторларни ишдан бўшатди.
Маълумотларга кўра, ишдан бўшатилганлар орасида мудофаа, ички ишлар, таълим ва савдо вазирликлари инспекторлари ҳам бор.
Ишдан бўшатишлар сони аниқ маълум қилинмаган. Бир манба 17 та инспектор ишдан бўшатилганини айтса, яна бир манба уларнинг камида 12 та эканини таъкидламоқда.
Трампнинг бу қарорлари, Конгрессга 30 кундан кам бўлмаган муддатда хабар бериш ва ишдан бўшатиш сабабларини тушунтиришни талаб қилувчи қонунни бузгани учун танқид қилинмоқда.
Бу ҳаракатлар Сенатда, демократлар ва республикачилар орасида хавотирлар уйғотган.
Абдулллоҳ Саййид
