КХДРга қарши санкциялар бекор қилиниши мамлакатнинг қизиқиш доирасидан ташқарида ва энди бунинг учун ҳаракат қилмайди. Шимолий Корея ташқи ишлар вазирлигининг шу мазмундаги баёноти Корея марказий телеграф агентлиги томонидан эълон қилинди.
"Санкцияларни музокаралар йўли билан олиб ташлаш биз учун аллақон аҳамиятини йўқотган ва вазифамиз ҳисобланмайди. АҚШ томонидан киритилган ваҳшиёна санкциялар бизни энг оғир ташқи шароитларда жон сақлаш, гуллаб-яшнаш ва янада кучлироқ бўлишга ўргатди", — дейилади КХДР ТИВ баёнотида.
Ташқи сиёсат идорасининг таъкидлашича, Вашингтон Шимолий Кореяга нисбатан қўллаётган санкциялар сиёсати "алмисоқдан қолган", бундан буёғига "Қўшма Штатлар ва унинг ялоқхўрларининг санкция воситалари билан ўйин қилишга уриниши" КХДР учун эмас, балки уларнинг зарарига ишлайди.
КХДР ТИВ мамлакатга қарши қўшимча санкциялар киритишга уринишнинг "бадали қиммат" бўлиши, Пхенян ўз суверен ҳуқуқларини ҳимоялаш учун жавоб чоралари кўриши ҳақида огоҳлантирди.
Эслатиб ўтамиз, аввалроқ АҚШ КХДРнинг 11 фуқароси, шунингдек, Шимолий Корея ва Россиядаги 8 та юридик шахсга қарши санкция киритган.
