“Олтин тўп–2016” мукофотига лойиқ деб топилган “Реал” клуби ҳамда Португалия терма жамоаси ҳужумчиси Криштиану Роналду ўз фикрлари билан ўртоқлашди.
“Тўртинчи марта “Олтин тўп” мукофотини қўлга киритиш мен учун шараф. Худди биринчи марта ютгандек ўзимни ҳис қиляпман. Орзуим яна амалга ошди. Футсатдан фойдаланиб “Реал” ва Португалия термасидаги шерикларимга миннатдорлик билдираман.
Мен учун шахсий ва жамоавий ютуқлар муҳим. Ҳар доимгидек бор кучимни намойиш қилишга ҳаракат қиламан. Ушбу мукофотни ютиб олиш осон эмас ва уни қўлга киритганимдан хурсандман. Авваллари “Олтин тўп”ни 4 марта ютиб оламан деб сира ўйламаган эдим”, – деди Роналду.
Эслатиб ўтамиз, Криштиану Роналду фаолиятида тўртинчи марта “Олтин тўп” мукофотига эгалик қилди.
