Россия Давлат Думаси Россия билан Эрон ўртасидаги ҳамкорлик тўғрисидаги шартномани ратификация қилди. Бу ҳужжатда икки давлат мудофаа соҳасида ҳамкорликни кучайтириш ва разведка маълумотлари алмашинувини йўлга қўйиш ваъда қилинмоқда.
“Ушбу шартнома очиқ сиёсий сигнал. Бу ҳужжат шуни кўрсатадики, Туркия томонидан қўллаб-қувватланган Сурия мухолифлари мағлубиятга учраган Эроннинг Россияга таслим бўлишни истамаяпти ва Яқин Шарқдаги ўз ўйинларини давом эттирмоқчи”, – дейди “DW” шарҳловчиси Константин Эггерт.
Шунингдек, Эггерт Москва ва Теҳроннинг умумий манфаатлари кўплигини, Путин Эрон билан ҳамкорликни ўз манфаатларига мос деб ҳисоблашига тўхталган.
“Назарий жиҳатдан, бу шартнома бир неча жиҳатдан ъсовдагаъ сабаб бўлиши мумкин эди — масалан, АҚШ оккупация қилинган Украина ҳудудларини Россия деб тан олишга рози бўлса”, – дея тахмин қилади сиёсий шарҳловчи.
Бироқ, Эггерт Кремль учун асосий хавф – Эрон режимининг ўзгариши эканлигини очиқча тушунтирган.
“Агар Эрон ва АҚШ ўртасидаги Уммон музокаралари муваффақиятсиз якунланса, Доналд Трамп ҳамда Бинямин Нетаняху Эроннинг ҳарбий ва ядровий объектларига зарба беришга қарор қилса, Теҳрондаги режим буни кўтара олмаслиги мумкин”, – дейди сиёсатшунос.
Шунингдек, сиёсатчи агар Эрон ҳокимиятига мухолифат келадиган бўлса, у ҳолда Москва билан барча ҳамкорлик дастурлари музлатилишини айтган.
“АҚШнинг Эронга нисбатан “максимал босим” стратегияси амалга оширилса, Россия-Эрон ҳамкорлик шартномасининг умри узоқ бўлмаслиги эҳтимолдан холи эмас”, — дейди у.
