Россия Украинанинг Сума шаҳрига қилган ҳужуми ортидан 35 нафар украиналик ҳалок бўлди. Бу ҳақда “DW” нашри маълум қилди.
Қайд этилишича, ҳалок бўлганлар орасида 11 ва 17 ёшли ўсмирлар ҳам бор. Бундан ташқари, ҳужум оқибатида камида 117 киши жароҳатланган. Украина Фавқулодда вазиятлар вазирлигининг билдиришича, жароҳатланганлар 119 нафарни ташкил этади.
“Россиянинг ҳужуми тинч аҳолига тегишли объектга қаратилган. Шу билан бирга, ракета ҳужумининг асл нишони ҳудудий мудофаа бўлинмаларидан бирининг йиғилишига қаратилган”,— дейилади хабарда.
Маълумот учун, жорий йилнинг 13 апрель куни Россия томонидан Украинанинг Суми шаҳрига уюштирилган ракета ҳужуми оқибатида 21 киши ҳалок бўлган эди. Шулардан 83 нафари эса турли даражадаги тан жароҳати олган.
