Бугун пойтахтимизда жойлашган Ўзбекистон Миллий кутубхонасида, 5 китобхон ҳафталиги доирасида"Маърифатга жонин тикканлар" номли давра суҳбатиҳамда Ўзбекистонда хизмат кўрсатган санъат арбоби, профессор Турсунали Қўзиев томонидан таржима қилинган "Палангалик қочқин аёл хотиралари" номли китоб тақдимоти бўлиб ўтди. Тадбир онлайн ва оффлайн шаклларда ташкил этилган бўлиб, унда Ахборот ва оммавий коммуникациялар агентлиги вакиллари, Литвадаги ўзбек маданияти маркази вакили, Паланга шаҳар ҳудудий кутубхонаси директори, Қатағон қурбонлари хотираси давлат музейи директори, Бухоро вилояти ҳокими ўринбосари, Миллатлараро муносабатлар ва хорижий давлатлар билан алоқалар қўмитаси вакили,адабиётшунослар, журналистлар, китобхон ўқувчилар ҳамда маданият марказлари вакиллари иштирок этдилар.Тадбирда сўзга чиққан Ўзбекистон халқ ёзувчиси Эркин Аъзам, Паланга шаҳар ҳудудий оммавий кутубхонаси директори Рудис Кестутис, Литвадаги ўзбек маданият маркази раҳбари Лейла Урмонова ҳамда бошқалар бир неча йил аввал Туркистонда юз берган воқеалар, китобда тасвирланган фожиалар, ёдномалар ва тарихий материалларни ўрганишнинг аҳамияти ҳақида сўз юритдилар. Китоб тақдимоти нафақат қизиқарли, балкиёшлар учун фойдали тарзда ўтди. Сўзга чиққанлар турли миллат вакиллари — ўзбеклар, қозоқлар, қирғизлар, тожиклар ва туркман халқларининг урф-одатлари акс этган ушбу асарни ўқиб, олган таассуротлари билан ҳам ўртоқлашишди.
Шунингдек, "Палангалик қочқин аёл хотиралари" номли китоб таржимони Турсунали Қўзиев қуйидаги фикрларни билдирди:
Бу оддий китоб эмас. Бу — юртимизнинг юз йил аввалги қиёфаси, халқимизнинг турмуш тарзи ва мураккаб тарихи ҳақида хабар берувчи манбадир. Муаллиф — чет эллик аёл — 7 йил давомида фарзандлари билан шу ерда яшаб, халқимиз тарихи ҳақида кундалик ёзган. Менга энг таъсир қилган жумла — у икки ой давомида поездда юриб ўз юртига боргач, "яна Туркистонга қайтишни хоҳлайман", деганидир. Айниқса, Бухорода юрган пайтларида икки ой Тошкентда яшаб, яна Бухорога қайтганида, "ҳеч нарсамизга тегишмаган, бундай халққа тасаннолар айтаман", дегани одамни ларзага солади. дейди шоир.
