“Anadolu” агентлиги хабарига кўра, Исроил армияси Ғазо секторининг жанубий ва марказий ҳудудларига бир нечта ҳаво ҳужумлари уюштирган. Хусусан, Хон-Юнус шаҳрининг Ал-Меваси туманида бир уйнинг нишонга олиниши оқибатида 2 киши ҳалок бўлган. Шунингдек, шаҳарда кўчирилганларга тегишли 3 чодир бомбардимон қилиниб, 12 киши ҳаётдан кўз юмди.
Марказий Ғазодаги ҳужумларда эса 5 дан ортиқ одам турли жойларда ҳалок бўлган, жумладан, Салоҳоддин проспектида ёрдам пунктига кетаётган фуқароларга ўқ узилиши оқибатида 10 киши нобуд бўлди, 50 дан ортиқ киши жароҳат олди.
Дейр ал-Балаҳ ва Рафаҳ шаҳарлари ҳам нишонга олинган. Рафаҳда гуманитар ёрдам кутиб турган одамларга бомба ташланган, 5 киши ҳалок бўлган.
Таҳлилчилар бу ҳужумларни тинч аҳоли орасида талафот келтирувчи энг йирик зарбалардан бири сифатида баҳоламоқда. Исроил томони ҳозирча ушбу ҳодисалар юзасидан изоҳ бергани йўқ.
