Японияда олимлар “Даун синдроми”ни даволаш усулини ишлаб чиқди. Бу ҳақда PNAS Nexus илмий журнали хабар берди.
Мамлакатдаги Миэ университети тадқиқотчилари гуруҳи “Даун синдроми”ни келтириб чиқарадиган қўшимча 21-хромосомани олиб ташлаш имконини берувчи процедураани ишлаб чиқди.
Ўз ишларида олимлар CRISPR/Cas9 геномини таҳрирлаш технологиясидан фойдаланиб, уни фақат хромосоманинг “қўшимча” нусхасини мақсадли олиб ташлаш учун мослаштирди.
“Даун синдроми” инсон ҳужайраларида 21-хромосоманинг иккита ўрнига учта нусхаси мавжуд бўлганда юзага келади. Қўшимча генетик материал туғма юрак нуқсонларидан тортиб, ўрганиш ва нутқда қийинчиликларга қадар кенг кўламли касалликларни келтириб чиқаради.
Тадқиқотчилар CRISPR/Cas9 молекулалари фақат трисомик хромосомани мақсад қилиб, қолганларини ёлғиз қолдирадиган ёндашувни ишлаб чиқди. Лабораторияда ўстирилган ҳужайраларни таҳрирлашда улар қўшимча хромосоманинг тўлиқ йўқолишига эришди.
Шундан сўнг ген экспрессияси нормаллашди: асаб тизимининг ривожланиши билан боғлиқ генлар фаоллашди ва метаболизм учун масъул генларнинг фаоллиги пасайди. Бундан ташқари, ҳужайралар тезроқ ўсиб, бўлинишни бошлади.
