Португалиянинг Лиссабон шаҳрида йирик йўл-транспорт ҳодисаси юз берди. Бу ҳақда BBC news маълум қилди.
Қайд этилишича, ҳодиса шаҳарнинг сайёҳлар гавжум бўладиган Авенида да Либердаде яқинида содир бўлган. Ҳалок бўлганлардан ташқари яна 18 киши жароҳат олган. Улардан беш нафари оғир аҳволда шифохонага ётқизилган.
Аниқланишича, вафот этганлар орасида хорижий фуқаролар ҳам бор, аммо уларнинг миллати ҳозирча маълум қилинмаган. Кўнгилсизлик юзасидан бир неча тергов ишлари бошланган: транспорт компанияси, миллий транспорт хавфсизлиги органи ва жиноят полиси воқеани ўрганмоқда.
Ҳодиса гувоҳларининг айтишича, фуникулёрнинг тормоз тизими ишламай қолиб, у катта тезликда пастга қараб ҳаракатланиб, охирида бинога урилган. Лиссабон мери ва мамлакат президенти жабрланганлар оилаларига ҳамдардлик билдирди. Ҳукумат воқеа муносабати билан миллий мотам куни эълон қилди.
