Open Data Tashkent портали маълумотларига кўра, 2018 йилдан бошлаб пойтахтда содир этилган йўл-транспорт ҳодисалари сони 32 мингтадан ошди. 2025 йил январь—август ойлари давомида 4 минг 350 та йўл-транспорт ҳодисаси қайд этилган бўлиб, бу кўрсаткич 2018—2024 йиллар учун ўртача қийматга нисбатан 10 фоизга кўпдир.
Жорий йил 8 ойида юз берган ЙТҲларнинг энг кўпи Юнусобод туманида содир бўлган. Ундан кейинги ўринларда Чилонзор, Яшнобод туманлари.
ЙТҲларнинг туманлар кесимидаги статистикаси қуйидагича:
• Юнусобод — 561 та;
• Чилонзор — 555 та;
• Яшнобод — 554 та;
• Мирзо Улуғбек — 475 та;
• Шайхонтоҳур — 363 та;
• Олмазор — 337 та;
• Учтепа — 316 та;
• Сергели — 288 та;
• Миробод — 269 та;
• Бектемир — 217 та;
• Яккасарой — 210 та;
• Янгиҳаёт — 205 та.
2025 йилнинг 8 ойидаги йўл-транспорт ҳодисаларининг энг кўпи апрель ойида юз берган — 647 та. Қишда ЙТҲлар сони нисбатан кам бўлган. Январда 377 та ҳолат қайд этилган бўлса, февралда бу кўрсаткич 421 тани ташкил этган.
2024 йилдаги ЙТҲлар таҳлил қилинганда ҳам улар январь—февраль ойида нисбатан камроқ содир бўлгани аниқланган. Баҳорда эса ЙТҲлар сони ошган.
2024 йилда Ўзбекистонда содир бўлган ЙТҲларнинг 47,1 фоизи ҳайдовчиларнинг пиёдага йўл бермаслиги сабаб юз берган, 3,7 фоизи — рулда ухлаб қолиш, 22,8 фоизи — белгиланган тезликка риоя қилмаслик оқибатида содир бўлган.
