Транспорт вазирлиги хабарига кўра, март ойидан сентябрга қадар бўлган даврда Тошкент шаҳрида автобусларда йўл ҳақи тўлашдан бўйин товлаган 6 мингдан ортиқ йўловчи аниқланган.
Уларга нисбатан БҲМнинг ўндан бир қисмига тенг — 41 200 сўмлик жарима қўлланилган.
Эслатиб ўтамиз, 2024 йил 1 январдан бошлаб пойтахт автобусларида фақат нақд пулсиз тўлов тизими амал қилади.
14 мартдан эса ушбу тартибни бузганларга нисбатан жарима қўллаш бошланди.
Йўловчиларга ҚР-кодли чиптани сафар давомида сақлаб юриш, шунингдек, 10 дан ортиқ турли усуллар орқали йўл ҳақи тўлаш имконияти мавжудлиги эслатиб ўтилди.
