Швеция ҳукумати Украинага қиш мавсумига тайёргарлик кўриш учун 110 миллион долларлик инсонпарварлик ёрдамини тақдим этади. Пакет энергетика, уй-жой, соғлиқни сақлаш, миналардан тозалаш ва мустақил ОАВни қўллаб-қувватлаш каби йўналишларни қамраб олади.
Ёрдам умумий қиймати 1,145 миллиард швед кронасини ташкил қилади ва жорий йил охиригача етказилиши режалаштирилган. Маблағлар БМТ, Жаҳон банки ва бошқа халқаро ташкилотлар орқали йўналтирилади.
Швеция ҳукумати бу ёрдам Украинадаги озодлик учун кураш нафақат мамлакатнинг, балки бутун Европанинг хавфсизлиги учун муҳимлигини таъкидлади.
Маълумот учун, 2025 йил давомида Швециянинг Украинага кўрсатган фуқаровий ёрдами 9 миллиард кронага (819 миллион доллар) етган.
