Бугун, 9 октябрь куни Ўзбекистон Республикаси Президенти Шавкат Мирзиёев амалий ташриф билан Тожикистон Республикаси пойтахти — Душанбе шаҳрига борди.
Давлат раҳбарини Душанбе халқаро аэропортида Тожикистон Бош вазири Қоҳир Расулзода ва бошқа расмийлар тантанали тарзда кутиб олди.
Ташриф доирасида Президент Мирзиёев "Марказий Осиё – Россия" форматидаги иккинчи саммитда ҳамда Мустақил Давлатлар Ҳамдўстлиги Давлат раҳбарлари кенгашининг навбатдаги йиғилишида иштирок этиши режалаштирилган.
Ушбу учрашувларда минтақавий ҳамкорлик, хавфсизлик, савдо-иқтисодий алоқалар ва бошқа долзарб масалалар муҳокама қилинади.
