Туркияда кеча, 8 октябрь куни эрталаб Жандарма томонидан сўроққа олиб кетилган ижтимоий тармоқ феноменлари, сериал актёрлари ва санъаткорларнинг Адлия Тиббиёт Институтидаги текширув жараёнлари кечқурун якунланди. Энди уларнинг таҳлил натижалари кутилмоқда. Бу ҳақда NTV хабар берди.
8 октябрь куни эрталаб бир қатор машҳурлар ва ижтимоий тармоқ юлдузларига нисбатан гиёҳванд модда истеъмоли гумони билан тергов бошланган. Бу тергов Истанбул Бош прокуратураси қошидаги Қочоқлик, Наркотик ва Иқтисодий Жиноятлар бўлими томонидан олиб борилган.
Истанбул вилояти Жандарма қўшинлари амалга оширган операция вақтида машҳур шахслар гиёҳванд модда истеъмол қилганлик гумони билан назорат текширувига тортилган.
“Анадолу” агентлиги маълумотларига кўра, сўроқ қилинган ва қон намунаси олинган шахслар қуйидагилар:
Дилан Пўлат
Engin Пўлат
Ирем Деричи
Kubilay Aka
Каан Йилдирим
Hadise Achigkyoz
Беррак Тюзюнатач
Дуюғу Ўзаслан Мутаф
Демет Евгар Бабаташ
Зейнеп Мерич Арал Кескин
O‘zge O‘zpirinchji
Мерт Язиджиўғлу
Уларнинг айримлари бу пайтда мамлакат ташқарисида экани ҳам маълум қилинган.
Амалиёт давомида ҳеч ким ҳибсга олинмади. Истанбулда бўлган машҳур шахслар вилоят Жандармерия қўмондонлигига олиб келинган. Бу ерда уларнинг баёнотлари олинган. Баёнот бериш жараёни якунланганидан сўнг, машҳурлар кундуз вақтида қон таҳлиллари учун Адлия тиббиёт муассасасига юборилган.
Машҳурлар бу ерга икки автобус орқали етказилган, баъзи актёрларнинг яқинлари эса қўллаб-қувватлаш учун Жандармерия қўмондонлигига келган.
Баёнот учун кутган актриса Демет Евгарнинг ҳамкасби Ҳатисе Асланга руҳий кўмак учун келганини айтди ва тергов сабабли съёмка майдонлари тўхтаб қолганини билдирган.
Муассасада қон намунаси олинган машҳурлар сўнгра жандармерия ходимлари ҳамроҳлигида яна Вилоят Жандармерия қўмондонлигига қайтарилган. У ерда жараёнлари якунланган машҳурлар озод этилган.
Жандармерия қўмондонлигидан чиққач, баъзи машҳурлар матбуотга изоҳ берган. Айрим машҳурлар баёнот бериб амалиётга эътироз билдирганлар.
“Сизлар каби мен ҳам бўлаётганлардан ҳайратдаман. Шукрки, ҳаммасини ортда қолдирдик”, деди Ҳадисе ижтимоий тармоқда қилган чиқишида.
У, шунингдек, Анқарадаги концертида ҳам тергов жараёнига нисбатан ўз эътирозини билдирган.
