Малта бош вазири ўринбосари, ташқи ишлар ва туризм вазири Ян Борг АҚШ президенти Доналд Трампни Арманистон ва Озарбайжон ўртасида тинчликка эришишга қўшган ҳиссаси учун Нобел мукофотига номзод қилиб кўрсатди.
“2024 йилда Европа Хавфсизлик ва ҳамкорлик ташкилотининг амалдаги раиси сифатида мен Арманистон ва Озарбайжон ўртасидаги можарони ҳал этиш учун кўп одамлар билан ишладим. Бу можарони жорий йил ёзида АҚШ президенти ҳал қилишга муваффақ бўлди. Мен Америка Қўшма Штатлари президентига ўз номимдан ёзилган хатни топширдим ҳамда унга бошқа кўпчилик сингари, мен ҳам уни Тинчлик бўйича Нобел мукофотига номзод қилиб кўрсатганлигимни маълум қилдим”, деди Борг.
У икки ҳафта олдин Ню Ёркда АҚШ президенти ва биринчи хоними Мелания Трамп билан учрашув чоғида бу ташаббусни ўз қўлига олишини маълум қилганини ҳам эслаб ўтди.
Малта бош вазири ўринбосари, шунингдек, АҚШ президентини Яқин Шарқ ва Украинада тинчликка эришиш йўлида ҳам ишлашни давом эттиришга чақирди.
